اختيار مدرب منتخب مصر الجديد

المجلس العسكرى يختار مدرب منتخب مصر باستفتاء شعبى وبلاش تهريج.

دولة مباركستان

علنت دولة مباركستان العظمى ان ليس لها اى فروع اخرى غير الفرع الرئيسى وهو (المجلس الاعلى للقوات المسلحة )..وان علامتنا التجارية هى الجمل..وهى العلامة المدموغة على افى كل مصرى... وانا العاصمة الحالية فى شرم الشيخ ماهى الا عاصمة للاستجمام بعض الوقت لحين عودتنا قريبا...انتظرونااااااااااااااا

اااااا.

يا كوووووووووووووووووسة

ادينى كمان يا كوسة..
.مش بوسة واحدة لا مليون بوسة..
.وقولى للثورة يا ميت حوسة..
.على شهدائك اللى راحوا فى الازوزة..
.وياعينى عليكى يا مصر يا محروسة.

الدكتور محمد البرادعى

انا ولا يهمنى انة من المصريين القلائل جدا اللى حصلوا على جائزة نوبل..انا كل اللى يهمنى ان الراجل دة احيا فى نفسى الامل من تغيير النظام الفاسد من سنة تقريبا بعد ان كنت فقدت الامل فى العيش فى هدة البلد...شكرا لك يا دكتور وان شاء الله معاك وفى ضهرك طوال الوقت الى ان نغير كل كل كل النظام بمن فيهم ن العملاء الدين يكتبواكلام خايب هنا . وهم معروفين من بقايا الحزب الفاسد..نعم للبرادعى قائد للتغيير الى الافضل لمصرنا الحبيبة.

الجيش والشعب ايد واحدة ؟؟؟؟؟؟؟؟؟؟؟؟؟

لما الواحد يقعد مع نفسة يفكر كتير وكتيرررررررررر لية الجيش بيعمل كدة ...الشر برة وبعيد هو مش الجيش دة بردة اللى اول ما نزل جيبنا لية الورد وقلنا لية الجيش والشعب ايد واحدة ... انت نسيت ولا فية اية يا جيشنا ؟؟؟؟؟؟؟؟ رد على وحياة والديك

الثورة سرقوها

لحقونااااااااااا......
امسك حرامى سرقوها.....هى اية ياولدى اللى سرقوها؟..
محفظتك ولا هدومك اللى سرقوها ؟لا اللى اتسرقت ثورتى واتسرق كل اللى عملوها ؟؟
دة انا عملتها بدمى ودم اختى واخويا..نمنا فى الشوارع وعلى الرصفان وكانوا بالنار يضربونا..
دم اخويا لسة ما برد ولسة ما جف دمع امى وابويا..كنت فاكرها خلاص فرجت والحرية هنشموها..
.ما تعيطش بس قولى اتسرقت منك ازاى ومين اللى نشلوها ؟ عملوا على نصبة بالاستفتاء سموها..
العسكر اقروها وانا لسة كنت بنادى واقول يلا للثورة نكملوها...جابوا عقد ميت وعلى بنودة رقعوها...
وقالوا لى لو ما وقعت العسكر هيضربونا...هتبقى كافر وملحد وباللاسلام غلفوها...
ياربى انت القادر ترجع لى ثورتى من اللى نهبوها...

بحبك

وبيسالونى بحبك لية ؟ سؤال جميل ما اجاوبش علية ... ولية يا كيمو ما تجاوب علية ؟ حبى ليها مش عايز حكاية ... هقول عليها اية ولا اية ولا اية ؟ هوصف جمالها ولا حنانها .. ولا سمارها اللى لونها باين علية ... هوصف صباحها نور وشمس مالى عينية ... وما بشوفش فى الكون دة غيرها ... هى الحنان لما تضيق الدنيا علية ...هى امى وبنتى وحبيبتى ماتقولوش دة كتير .لا دة شوية.. عمرى كلة فداكى دة انتى ام الدنيا دية ..رجعتى يا حبيبتى ليا ورجعت معاكى الحرية ..مصر ياما يا بهية يام طرحة وجلابية

الثورة سرقوها

الثورة سرقوها
الحقونااااااااااا ...... امسك حرامى سرقوها .....هى اية ياولدى اللى سرقوها؟ .. محفظتك ولا هدومك اللى سرقوها ؟لا اللى اتسرقت ثورتى واتسرق كل اللى عملوها ؟؟  دة انا عملتهابدمى  ودم اختى  واخويا ..نمنا فى الشوارع وعلى الرصفان وكانوا بالنار يضربونا ..دم اخويا لسة ما برد ولسة ما جف دمع امى وابويا  ..كنت فاكرها خلاص فرجت والحرية هنشموها  ...ما تعيطش بس قولى اتسرقت منك ازاى ومين اللى نشلوها  ؟ عملوا على نصبة بالاستفتاء سموها  .. العسكر اقروها وانا لسة كنت بنادى واقول يلا للثورة نكملوها...جابوا عقد ميت وعلى بنودة رقعوها ... وقالوا لى لو ما وقعت العسكر هيضربونا ...هتبقى كافر وملحد وباللاسلام غلفوها ...ياربى انت القادر ترجع لى ثورتى من اللى نهبوها ...

مصر الحرية

منذ فترة طويلة كان حلم الديمقراطية فى قلوب الشعب المصرى. فشبابنا خلق الشرارة، واحتضن المصريون قيادتهم لبناء منارة الأمل .. نحن الان نبدا عهد جديد وعلى كل مصرى ان يبدا بنفسة فى تغيير ذاتة تغيير ضميرة ,,وفى تغيير الفساد الذى كان كامن فى ارضنا .. على كل مصرى ان لا يترك كل شىء للقيادات يجب ان نناقشهم ويجب عليهم ان يستوعبوا اراءنا .. لا يجب ان تسكت بعد الان ..كلمة وانا مالى هذة يجب ان نمحيها من قاموس اللغة المصرية .. لان كل قطعة فى مصر هى مالك هى عرضك هى صورتك امام العالم وامام نفسك .. ولايجب ان يكون لنا حاكم نصنع منة اله .. بل هو مجرد موظف يؤدى عملة وان يؤدى هذا العمل باتقان واخلاص

لا للتعديلات الدستورية

الاخوان المسلمين فى الاسكندرية يوزعون منشورات يقولون فيها نعم للتعديلات الدستورية ... طبعا لازم ينشروا نعم للتعديلات الدستورية دى فرصتهم عشان يستولوا على مجلس الشعب وبالتالى الحكم فى مصر ... والناس اللى قامت بالثورة كدة تروح بلاش .. ما يبقى ليها اى وجود ... ارجو الانتباة احنا لو وافقنا على الدستور المرقع دة ... بجميع ما فية من عيوب يب...قى بنرجع للعهد السابق ... بس بدل ما يبقى فية نظام مبارك هيبقى فية الاخوان لوحدهم فى الحكم ... واحنا مش عايزين حركة واحدة او فيصل واحد فى الحكم عايزين من كل اطياف الشعب .... وتيجى نحللها ازاى هيوصلوا فى الحكم فى ظل الدستور المرقع دة ... لو نظرت للدستور هتلاقى مازالت جميع الصلاحيات فى يد الرئيس زى ماهى .. هيقولوا فية مادة 184 بتقول لازم الرئيس يعمل دستور جديد فى مدة 6 شهور من ولايتة . لو تحققت فى المادة كويس هتلاقى لازم مجلس الشعب يوافق نصة على تغيير الدستور ... نفرض ان النص ماوافق على تغيير الدستور يبقى اية الحل ؟؟؟ يبقى ما فيش تغيير والرئيس اللى جاى هيبقى ديكتاتور مستبد جديد وممكن اوى يفصل دستور على مقاسة زى اللى قابلة .. هتقولوا الشعب ينزل تانى ...فى الميدان .... هقولكم تانى ويستشهد شباب زى الورد تانى .. ونفس الحكاية تانى ... طيب لية ما احنا فيها الان .. نرفض الدستور المرقع دة ... وعايزين دستور جديد... لان الثورة لازم تشيل كل ماهو قديم من مساؤى بما فيها الدستور الملاكى دة ... نرجع للاخوان .... طبعا ما فيش اى حزب ولا اى حركة جاهزة الان للانتخابات سوى الاخوان وبعض رجال الاعمال من الحزب الواطى حريفى الانتخابات خاصة الموجودين منهم فى الاقاليم ... يبقى بالتالى هنرجع لمجلس شعب هتبقى فية اغلبية اخوان او نقول نص اخوان ونص من فلول الحزب الواطى السابق .....يبقى فى الحالة دى اقدر اقول ليكم ... وانا اسف فى الكلمة وكمان حزين انى اقولها يبقى اعظم ثورة فشلت وراح دم الشهداء .. راح دم اكتر من 400 شاب زى الفلدة غير اكتر من 6000 مصاب من جراء الثورة .....
ارجوكم عندنا فرصة اما ان ننزل ونقول لا عايزين دستور جديد من غير اى استفتاء ... او لو ما قدرنا على كدة يبقى يوم الاستفتاء كل الشعب يقول لا ... واقول للاخوان المسلمين كنا نراكم امل معنا فى الثورة لكنكم منتهزين فرصة ... وان شاء الله مش هتفوزوا بيها
لكى حبى يامصر ... ولكى اولادك الثوار ... مش هنسيبك يامصر يلعبوا بيكى تانى
كمال سعد