سيناريو مستقبل مصر

بلا شك ان كل مصرى الان تاءة ولا يدرى ماذا يخبىء لنا المجلس العسكرى هناك المتفائلون جدا ويقولون ان المجلس سوف يجرى الانتخابات بنزاهة والصندوق ياتى بمن يشاء من برلمان او رئيس والرد على هؤلاء المتفائلون جدا نسال هلى قانون مجلس الشعب الان يساعد على افراز مجلس نزية بدون فلول الحزب الواطى ؟ ؟؟؟؟؟؟؟ طبعا لا لان نسبة ال 50%فردى تعطى من لة مال ان يصرف ويصل للمجلس بسهولة ...
وهناك المتفائلون بس مش جدا يقولون نعم هتكون انتخابات لكن الذى سوف يصل للبرلمان م الاخوان فقط لانهم منظمين ولديهم الخبرة والقاعدة التى تؤهلهم لذلك ....لكن هنا السؤال هل سيسمح المجلس العسكرى بوصول التيار الاسلامى للبرلمان ...الجيش مش عايز تصادم مع العدو الصهيونى على الاقل فى الوقت الراهن ومن الممكن جدا ان يجرنا التيار الاسلامى لحرب مع اسرائيل فهل يسمح العسكر بذلك ...ان التاريخ يقول ان المتحكمين فى مصر لا يريدون للاخوان ان يصلوا للحكم ممكن استخدامهم فى اوقات لكن ان يصلوا للحكم فهذا مستبعد ......
هناك اخرون متشائمون لهم تحليل خاص ومن الجائز احترامة ...يقولون المجلس مش ناوى على كل دة ..المجلس عايز الثورة تهدى والثوار يرجعون لبيوتهم باى وسيلة اما بانشقاق الشعب علية او بتخوين الثوار او بضربهم وبعد كدة بقى نشوف بتوع التيار الاسلامى وايضا نرجعهم لجحورهم ونبتدى ايضا نخونهم ...وبعد كدة نجيب رئيس عسكرى عشان البلد عايزة يد من حديد وترجع ريما لعادتها القديمة حكم للعسكر يستمر 60 عاما اخرى وتبقى تسلملى على الثورة
ماهو رايك يا مصرى ماهو تصورك لمستقبل مصر ؟؟؟؟؟؟؟؟؟؟

لية

لية يا بخت دونا عن البخوت لبخت

الناس مشيت فى اللبخ ما لبخت

وانا اللى مشيت فى العدل وبردة لبخت

وعجبى ......
 لية كل ما  احبك بتقتلنى

لية دايما بمشى فى طريقك وانت بتبعدنى

لية دايما بتمنى نورك وانت بالعتمة تحاربنى

لية دايما بتكتم اهاتى وباناتى بتعذبنى

لية ياوطن عايش فيك وبالغربة محسسنى 

وعجبى .....

لية ولية ولية
 لية الكلام محبوس فى حلقى

لية السؤال ما بيجاوب ظنى

لية هواك معشش فى قلبى

وانت مش دارى بخيبة املى

لية بحطك على راسى

وانت بالارض بتهبدنى

وعجبى ؟؟؟؟؟؟؟؟؟؟؟


يامن اهواك وهواك بيلسعنى

مش حاسس بى لية  ومطنشنى

وكل ما اقولك قرب بالشلوت تضربنى

و بالقنابل المسيلة تدمعنى

ليك يوم ياظالم يخلعك يا اما تخلعنى
وعجبى ......

وظائف خالية

وظائف خالية

..مطلوب فورا رئيس لجمهورية مصر العربية ..المزايا .

.مرتبات مجزية .اقامة بس مش فى القصر ..فى بيت عادى زى كل الموظفين اللى فى الدولة ..بيراعى ربنا فى بلدة ..ما يكونش منوفى ..ما يكونش عسكرى ..مالوش اصحاب من رجال الاعمال خاصة الفاسدين .ما يكونش عندة عيال اسمهم جمال وعيلاءوما تكونشى مراتة سيدة مصر الاولى ..ومايكونشى ليها فى الاعمال الخيرية كفاية عليها الطبيخ وتحمى عيالها بس عشان النضافة والكلام دة .. ما يقرفناش كل شوية على الصبح بخلقتة فى النشرات الاخبارية..( سبحان الله لما كان فى الحكم كان الواحد مش بيحب يشوف النشرة الأخبارية , دلوقت النشرة وكل برنامج اخبارى بقة عندى أحسن من اى فيلم او مسلسل حصرى).. وما يبتدى خطبة بكلمة اخوانى واخواتى ..ومش عايزينة يكون ابونا ..ولا امنا ولا اختنا حتى ..ومش عايزينة يبقى دمة خفيف زى اللى فات  ربنا ياخدة .. وياريت من دلوقتى يعرف انة هيبقى رئيس سابق بس ..مش هيبلط فيها 30 سنة ومش عايزين نخرجة بثورة تانية ..ومش عايزينة يبقى رئيس الحزب الواطى ,,,ومش عايزينة يهوب ناحية شرم الشيخ ..لما يحب يصيف يقولنا واحنا نشوف لة شمسية على بحر سيدى بشر ..ولا ميامى هو والعيال..ومايكونشى القائد الاعلى للقوات المسلحة ولا الشرطة ولا حتى مراجيح مولد النبى ..ولا يلبس كل يوم بدلة جديدة ومكتوب عليها اسمة ..هم 3 بدل بس هنصرفهم لية ..بدلة يستقبل بيها الوزراء وبدلة فخمة لاستقبال الملوك والرؤساء الل جايين مصر ..وبدلة حمرا يحطها فى دولابة كل يوم الصبح يتفرج عليها ..عشان يتقى ربنا فينا ..لو ما كانش عادل نلبسها لية ..ومش كل يوم تلات الساعة 9 الصبح  يعمل زيارة مفاجئة للمصنع دة ولا للمدرسة دى ولا للوزارة دى..ومش كل يوم يخرج لينا فى موكب ..هو يادوبك توك توك يتنقل بية داخل البلد هو مش احسن من المارد الاخضر ( القذافى)  ..ومش كل يوم والتانى واحد يعملة اغنية باسمة ..ومش كل ميدان تبقى صورتة موجودة ولا كل شارع  وهو بيبحلق فينا  ..ومش عايزين اسمة على المستشفيات والمدارس ..واخيرا ياريت اسمة يكون كمال سعد

صفحات مبارك السوداء

ياااااااااااااااااااااااااااة دى عايزة كتاب كبير ولا موسوعة عشان نقول ونقول ويالييييييييييييييييل يا عييييييييييييييييييين .... وقااااااااااااااااااااااااااااعد ياست ... وطبلى يا جدع ...... صاحب ضربة جوية بلاش قرف الله يرحمة السادات كان عايز يورى اليهود ان عندنا سلاح جوىبس مش اكتر هم طلعتين وراجعوا كلام الاستاذ هيكل لكن الحرب كانت مشاة ومدفعية وسلاح مهندسين ..نيجى لحكمة ..بيقولوا هو اللى جاب طابا ...هههههههههههه بامارة اية ؟ نيجى لديموقراطية عهد مبارك ودى فيها كلام كتير وحتى اسالوا عليها وائل نور ونعمان جمعه ...مش ملاحظين ان كل اللى اترشحوا امامة راحوا فى ستين داهية منهم اللى مات ومنهم اللى فتح كشك سجاير ومنهم اللى اتسجن ...ولا انجازاتة دى بقى قول وقوووووووووووول وقووووول ياعمممم ..عبارة السلام وغرق الف مصرى ...الاكل المسرطن .. .. ومن اهم انجازاتة امن الدولة وتعذيبها لكل من قال لا فى عهدة دة غير اللى ماتوا من امن الدولة كل دة وبتقولوا ما فيش ادلة جنائية ... ..نيجى بقى للفساد السياسى ..30 سنة تحت وطاء الحزب الواطى .والهم الكبير راكبنا ..ومافيش حزب غيرة قادر يتمطع ويطلع واللى موجودين تلاقيهم يزرعوا ليهم ناس فى الحزب يقسموا الحزب واسالوا كل الاحزب بلا استثناء .اما بقى ننوس عين امة جمال ..ودة كمان من فساد الهم الكبير مبارك .جمال قائد التغيير جمال بتاع لشباب ابو دم خفيف يادوبك دخل من هنا الحزب وايها فساد تديك طراوة ..جمال شريك فى كل الشركات الجديدة شريك فى كل ارض مصر كانها عزبة ابوة اللى ورثها وكل شعب مصر عبيد عندة ..مبارك دة مش يتحاسب على فساد دولة وبس لالالالالالالالا دة افسد دولة بحجم ومكانة مصر ام الدنيا خلاها ..مصر الزبالة مصر الجهل مصر العشوائيات ههههه بيقولك لما جت يوم القيامة بيسالوا عبد النصر انت عملت ية قالهم انا اللى عملت السد العالى وبيسالوا السادات انت عملت اية قالهم انا اللى عملت معركة العبور العظيم وسالوا الهم الكبير مبارك وانت عملت اية قالهم انا اللى عملت العشوائيات جتكم ستين نيلة .. بلاش قرف مليتوا البلد.... وعجبى

حسنة قليلة

نداء هام لكل القلوب الرحيمة نرجو منكم مناشدة المسئولين فى الدولة بصرف معاش للهم الكبير مبارك..ياعينى علية مش عرف يعيش..هو مجرد قصر فى شرم وشوية حرس جمهورى تحت امرة وشوية مليارات فى بنوك اوروبا يادوبك ما يجيبوش حق العشا.. رجاءءءءءءءءءءءءءءءءءء من القلوب الرحيمة تنادى معى وتناشد وتشجب وتستنكر وكل الكلام دة اللى شبعنا منة..اصرفوا معاش للهم الكبير..ومن قدم شىء بيداة التقاة..وهنيالك يا فعل الخير والصواب..وحسنة قليلة تمنع بلاوى كتيرة

خميس ابو الخمسان

انتوا مش ملاحظين حاجة كل يوم خميس قبل ما الناس تنزل التحرير تطلع قرارات تشرح القلب والبنكرياس كمان.يعنى النهاردة القبض على زكريا عزمى وشرف اجتمع بشباب الثورة عشان حوار وطنى ولجنة استشارية من ائتلاف الثورة تحضر اجتماعات مجلس الوزراء.والخميس اللى فات تحديد اقامة الثلاثى المرح صفوت وسرور وعزمى...انا عندى راى نخلى كل ايامنا تبقى الخميس عشان نخلص..يعنى النهاردة الخميس وبكرا الجمعة تبقى الخميس بشرطه.وبعد السبت تبقى الخميس بشرطتين وهلم جرة يمكن جماعتنا مش بيحسوا بينا الا ايام الخميس يبقى يلا بينا نخليها خميس طول السنة..وياريت كل واحدة تولد بعد كدة تسمى ابنها خميس والبنات خميس بردة..طبعا هتقولوا على عبيط..مش مهم المهم اسمى من النهاردة خميس ابو الخمسان.

الجيش المصرى

لا احد يستطيع ان ينكر عظمة جيش مصر منذ ان اصبح لمصر جيش ..ولا ايستطيع احد ان يشكك فى وطنية جيش مصر حتى فى اعظم المحن ..حتى عندما منى الجيش بهزيمة ونكسة فى حرب 67 النكسة ..معظم المنتقدين لية لم يشككوا فى ولائة للوطن لانة من عصارة الشعب المصرى
فهو من ابناءنا واخواتنا واباءنا ..ولا ينكر احد عظمة الجيش فى حفظ امننا خاصة واننا بجانب دولة استعمارية صهيونية ..حتى فى ثورة 52 الضباط الاحرار كان منحاز للشعب نعم هو استحوذ على السلطة لكن كان هذا الوقت يحتاج لسلطة عسكرية قوية ..وفى ثورة 25 يناير كان من الممكن ان ينحاز لسلطة مبارك خاصة انة من ابناء القوات المسلحة وكان يستطيع ان يدخل الى ميدان التحرير ويبيد الالاف الموجودة فى الميدان ويميت ثورة ويبيد ابناءها لكنة انحاز للشعب ..وامن الثورة وارغم مبارك على التنحى وانحاز لطلب الشعب ولولا الجيش ماكنا نستطيع تنحية مبارك بسهولة كل هذ عظيم وجميل لكن. وااااااااااااه من كلمة لكن ماذا حدث بعد الثورة لاادرى ان كنت على صح ا وعلى خطا عندما اراه يتباطا فى محاسبة من هم كانوا من المفسدين سياسيا واخلاقيا واقتصاديا ولا ادرى لماذا تم القبض على من هم ليسوا من ابناء المؤسسة العسكرية فى بداية الثورة مثل عز وجرانة والعادلى والمغربى وتركوا من هم اعظم فسادا من هؤلاء كمثل مبارك وعائلتة والشريف وزكريا عزمى لانهم من ابناء المؤسسة العسكرية ..يمكن انا مخطا ويمكن انا صح ..لكن السؤال الذى يؤرقنى دائما هو . هل كان هناك اتفاق مسبق بين الجيش وهؤلاء على ان نترك السلطة وتتركونا بدون محاكمة ؟؟؟؟؟؟؟؟؟؟؟؟ اتمنى ان اكون مخطىء ..هل الان عندما يقبضون عليهم .هل هذا بالتوقيت السليم .وهل ستتم محاكمتهم بدون الاعيب ؟؟؟؟؟؟؟؟؟؟؟؟؟.والكل على يقين ان فسادهم ماليا قد تبخر والان ليس لديهم اى اموال فى الداخل ..وكل اموالهم تبخرت بين الدول التى لا تستطيع ان تسترد منهم اموال الوطن ؟؟؟؟؟؟؟؟؟؟ هل كل هذا سيناريو مخطط لة هل عندما من يخرج الينا الان من القضاء ويقول ان مبارك لا احد يستطيع ان يحاكمة بالفساد السياسى هل هذا تاهيل للشعب ان يتركوا مبارك والفاسدين ..مع ان كل من يعيش فى هذا الوطن على يقين من فساد هؤلاء جميعا فى افساد الحياة السياسية فى مصر ..وفى جعل هذا الوطن ليس لة اى دور افريقيا ولا عربيا ولا دوليا واصبحت فقط دولة ضامنة لوجود اسرائيل باوامر امريكية ..ارجو ان تجيبنى يا ايها المجلس العسكرى هل وهل وهل ..هل تنحية مصر من الوجود الافريقى ونحن من نحتاجهم لشرب ماءنا؟؟؟ هل من تاجر بكل قطعة ارض بكل حبة رمل فيها ليس بفساد يسال عنة مبارك ؟ هل افساد الاراضى الزراعية ليس بفساد ؟ هل مشروع توشكى ليس بفساد ؟ هل بيع الغاز المصرى لااسرائيل بسعر بخس ليس بفساد وعمولات الغاز ليس بفساد يستوجب المسائلة الفورية ؟؟؟؟؟؟هل من ترك صاحب عبارة الموت وقتل الف مواطن ليس بفساد ؟؟؟هل تعذيب المواطنين فى امن الدولة ليس بفساد ؟؟؟ هل لقتل الابرياء فى 25 يناير ليس بفساد ؟؟؟؟؟؟؟؟؟هل من سحب جهاز الشرطة فى يوم 28 يناير ليس بفساد ؟كل هذا واكثر لا يسال عنة الا مبارك نفسة ..ولا يستطيع احد ان يقنعنى ان كل هذا ليس لمبارك يد فية ...هل الحساب الموجود فى البنك الاهلى تحت بند مكتبة اسكندرية باسم مبارك وزوجتة ليس بفساد ؟؟؟؟؟؟؟؟؟؟؟ هل مشروع التوريث ليس بفساد ؟؟؟؟؟؟؟؟؟؟؟؟ اليس كل هذا كافى ان يسارع المجلس العسكرى فى محاسبة مبارك واعوانة حتى لو كانوا من ابناء المؤسسة العسكرية ..يا ايتها المؤسسة العسكرية من الفضيلة ومن العظمة ان تحاكم اولادك اولا .حتى نستطيع ان نقول عليك جيشنا بحق ..مع كل هذا ومع كل هواجسى انا لا احب ان اصطدم معك .لانك فعلا صمام امانى وانا ليس على استعداد ان انقلب ضدك لانك اخى وابى وابنى وسالتمس لك بعض العذر واناقض نفسى واقول ان مهمتك ثقيلة .واقول لاخوانى الثوار بعض الصبر على جيشنا هل انتم على استعداد ان تكونوا مثل ليبيا ؟؟؟؟؟؟؟ هل انتم على استعداد لحرب اهلية وانقسام الصفوف بين من هم منحازين للجيش ومن هم منحازين للتوار ؟ان اعظم المنتقدين لاداء الجيش ليس على استعداد لهذا السيناريو ان فى هذة الحالة لن تكون هناك دولة مدنية بعد اشهر قليلة بل سننساق لحروب اهلية لا يضمن مداها احد وسيكون على مصرنا السلام ..اقولها واقولها حرة وغير خائف يجب ان نعمل على ان ناخد من الجيش قدر المستطاع بالضغط السلمى وليس بالصدام ونعطى لة الثقة اننا معة وخلفة حتى نستطيع ان نمر بمصر الى انتخابات البرلمان والرئاسة وتحويل مصر لدولة مدنية فرجاءى لكل الثوار الا ننساق وراء شعارات ممكن ان تكون صحيحة لكن مصلحة الوطن الان الا نصطدم بجيشنا ..بصراحة فعلا انا خايف عليكى يامصر ..لقد كنت فى مظاهرات الاسكندرية من امام مسجد القائد ابراهيم يوم جمعة التطهير والمحاكمة ولقد رايت بعض من هم ليسوا مننا يريدون ان يشعلوا الدنيا بسب طنطاوى وسب الجيش .نعم هناك ثورة مضادة تريد ان تنقلب مصر على نفسها حتى ننشغل بحربنا على انفسنا وننسى الفاسدين ..واخيرا نرجو من جيشنا واقولها جيشنا لانة مننا ان يعرف اننا الضامن لة كما هو الضامن لنا ان يسارع الخطى فى محاكمة الفاسدين لانهم ليسوا فوق القانون انهم يحملون نفس البطاقة المصرية وليسوا من السماء وليس من العيب ان يكون مبارك فى زنزانة بجانب من سرق ومن قتل فهو ليس برمز هو مواطن عادى كان بوظيفة رئيس ليس اكثر من ذلك ويجب ان يحاكم محاكمة عادلة وليثبت انة برىء فلو كان برىء فاهلا وسهلا ولو كان فاسد فلياخذ جزاءة وسيقول التاريخ ان جيش مصر كان دلئما عظيما حتى مع ابناءة كان يحاكمهم كما تحاكمون الان البلطجية ومن تقبضون عليهم الان من الثوار كل هؤلاء مواطنين مصريين ومن يخطىء فلياحكم لا نريد منك ان تترك المخطىء حتى لو كان من الثوار وايضا لا تترك من هم يقولون عليهم من علية القوم كلنا سواء وفى النهاية نريد ان نكسبك ونريدك ان تكسبنا