لما خرج الشباب يوم 25 يناير ...طلع علينا من قال اية لعب العيال دة ..وعندما مضت الثورة فى طريقها غير مهتمة بكلام كلاب الحراسة نجحت فى ان الشعب كلة التف حولها وحققت ما لم يكن متوقع ابدا ان يتحقق فى سنين ... ولما تعاطف كثير من الناس مع مبارك يوم خطابة الشهير وقالوا للموجودين فى الميدان يلا روحوا .. ...وصمم شباب الثورة على الاعتصام لتغيير النظام الفاسد وعرفوا ان كل خطابة كذب وسهوكة وضحك على الدقون ...خرج الناس بعدها ليقولوا كان عندهم حق انهم صمموا على التغيير ...ولما كانوا يقولوا مبارك خط احمر ..قال الثوار لا يوجد خط احمر ...لابد للفاسد ان يرحل ...وصدقوا وصدقوهم الناس لن اطيل عليكم فى حكاية ثورة مجيدة الكل يحفظها عن ظهر قلب لانها شرف لكل المصريين ..الان الشباب فى الميدان لتكملة الثورة ...الثورة مش تغيير حسنى وبس ..الثورة تغيير نظام فاسد متغلغل فى كل ارض مصر ...عايزين نخلى مصر موووووزة من جديد ...هى فعلا مووووزة وعليها الطلب بس كانوا ملبسينها خيش ومش مهتمين بجمالها احنا بقى الان لبسناها وحطينا ليها المكياج والاحمر والاخضر ناقص ليها بس تروح تستحمى وتنضف من الوساخة الباقية فى اطرافها من بقايا النظام السابق
وهتبقى دايما يا مصر موووووزة وماكنة واموووورة بيد ولادك المخلصين
ليست هناك تعليقات:
إرسال تعليق